მომსახურების პირობები

Fermio არ არის მხარე მომხმარებლებს შორის არცერთ გარიგებაში. ჩვენ არაფერს ვყიდით და არ ვყიდულობთ, არ ვართ გამყიდველი, აგენტი, შუამავალი, ბროკერი, გადამზიდი ან დაქირავებული მხარე; არ ვამუშავებთ გადახდას, არ ვახორციელებთ მიწოდებას, არ ვმართავთ საცხოვრებელს, არ ვყიდით და არ ვაქირავებთ ტექნიკას, ინვენტარს ან სხვა ნივთს, არ ვასრულებთ და არ ვუკვეთავთ არანაირ სამუშაოს ან მომსახურებას, არავის ვასახლებთ და არავის ვაგზავნით მოხალისედ და არ ვაკონტროლებთ არაფრის ხარისხს, უსაფრთხოებას, ტექნიკურ გამართულობას, წარმომავლობას ან კანონიერებას.

განცხადებებს ავტორები ავსებენ თავად. ჩვენ არ ვამოწმებთ და არ ვადასტურებთ მომხმარებლის ვინაობას, სტატუსს, ლიცენზიებს, ფოტოებს, ფასებს, არც განცხადებაში მითითებული პროდუქტის, საცხოვრებლის, ტექნიკის ან ნივთის რეალურ არსებობას, მდგომარეობას, მფლობელობასა და ტექნიკურ გამართულობას, არც სერვისის შემსრულებლის კვალიფიკაციას, გამოცდილებას, ლიცენზიას ან დაზღვევას, არც მოხალისეობის შემთხვევაში მასპინძლის ან მოხალისის ვინაობას, ასაკს, განზრახვასა და შეთავაზებული პირობების რეალურობას. პლატფორმაზე ყოფნა არ ნიშნავს ჩვენს რეკომენდაციას ან გარანტიას.

Fermio-ს აქვს ნულოვანი ტოლერანტობა შეურაცხმყოფელი შინაარსისა და მომხმარებელთა ბოროტად მოქცევის მიმართ. ნებისმიერი პროფილის ან განცხადების გასაჩივრება და მომხმარებლის დაბლოკვაშესაძლებელია. საჩივრებს განვიხილავთ და, საჭიროების შემთხვევაში, ვშლით შინაარსს ან ვზღუდავთ ანგარიშს 24 საათის განმავლობაში.

ყველა კომუნიკაცია, შეთანხმება, გადახდა, მიწოდება, სამუშაოს შესრულება, მოხალისის მიღება და საცხოვრებელში ჩასახლება ხდება პირდაპირ მხარეებს შორის, Fermio-ს გარეთ. ჩვენი მონაწილეობა მთავრდება მაშინ, როცა ერთმა მხარემ მეორის საკონტაქტო ნომერი ნახა.

შესაბამისად, Fermio არანაირ პასუხისმგებლობას არ იღებს, მათ შორის: პროდუქტის ხარისხზე, უვნებლობაზე, წარმომავლობაზე, რაოდენობაზე, ფასზე ან ხელმისაწვდომობაზე; საცხოვრებლის რეალურ მდგომარეობაზე, უსაფრთხოებაზე ან ჯავშნის შესრულებაზე; ტექნიკის, ინვენტარისა და ნებისმიერი ნივთის მდგომარეობაზე, ტექნიკურ გამართულობაზე, უსაფრთხოებაზე, წარმომავლობაზე, მფლობელობაზე, მისი გამოყენებით ან გაქირავებით მიყენებულ ზიანსა და დაზიანებაზე; შეთავაზებული სამუშაოს შესრულებაზე, ვადაზე, ხარისხზე, უსაფრთხოებასა და მის შედეგებზე; მოხალისეობის პირობების რეალურობაზე, საცხოვრებლის ვარგისობაზე, სამუშაოს მოცულობაზე, მხარეთა ქცევასა და ვიზიტის შედეგებზე; გადახდაზე, წინასწარ გადარიცხვაზე, დაბრუნებაზე ან მიუწოდებლობაზე; მხარის ვინაობის სისწორეზე, კეთილსინდისიერებაზე ან თაღლითურ ქმედებაზე; შეხვედრისას ან ადგილზე მიღებულ ზიანზე; მხარეთა შორის წარმოშობილ ნებისმიერ დავაზე.

მხარეები მოქმედებენ საკუთარი რისკით და თავად არიან პასუხისმგებელნი მეორე მხარის შემოწმებაზე. გირჩევთ სიფრთხილეს: დაათვალიერეთ პროდუქტი, საცხოვრებელი ან ნივთი, მოერიდეთ წინასწარ გადახდას უცნობი პირისთვის და შეთანხმდით პირობებზე წინასწარ.

Fermio არ არის გამყიდველი, გამქირავებელი, დამქირავებელი, დილერი, სერვის-ცენტრი ან სადაზღვევო მხარე. ჩვენ არ გვაქვს ნივთი ხელში, არ ვამოწმებთ მას, არ ვადგენთ ფასს ან პირობებს, არ ვიღებთ და არ ვინახავთ დეპოზიტს, არ ვდებთ ხელშეკრულებას, არ ვახორციელებთ გადაცემა-მიღებას და არ ვაზღვევთ ვერაფერს.

განსაკუთრებით გაქირავებისას: ნივთის ტექნიკური გამართულობაზე, გამოყენების უსაფრთხოებაზე, ოპერატორის კვალიფიკაციაზე, დეპოზიტზე, ქირის გადახდაზე, ვადაში დაბრუნებაზე, მოპარვაზე, დაკარგვაზე, გაფუჭებაზე, აგრეთვე ნივთის გამოყენებით ადამიანისთვის, ცხოველისთვის, მოსავლისთვის ან ქონებისთვის მიყენებულ ნებისმიერ ზიანზე პასუხს მხოლოდ მხარეები აგებენ — Fermio არანაირ პასუხისმგებლობას არ იღებს.

მეორადი ნივთი იყიდება არსებული სახით. Fermio არ იძლევა და არ შუამავლობს არანაირ გარანტიას, საგარანტიო მომსახურებას ან დაბრუნების უფლებას. ნივთის მდგომარეობის, სისრულის, დოკუმენტაციისა და მფლობელობის შემოწმება — მათ შორის სატრანსპორტო საშუალების რეგისტრაციისა და ყადაღის — მყიდველის ან დამქირავებლის პასუხისმგებლობაა.

გირჩევთ: ნივთი დაათვალიერეთ და გამოსცადეთ ადგილზე, გადაცემის პირობები, დეპოზიტი და დაზიანების შემთხვევები წერილობით შეათანხმეთ და მოერიდეთ წინასწარ გადახდას უცნობი პირისთვის.

Fermio არ ასრულებს სამუშაოს და არ არის მისი დამკვეთი, შემსრულებელი, დამსაქმებელი, კონტრაქტორი, ქვეკონტრაქტორი, აგენტი ან სადაზღვევო მხარე. შემსრულებელი არ არის ჩვენი თანამშრომელი და არ მოქმედებს ჩვენი სახელით. ჩვენ არ ვამოწმებთ მის ვინაობას, კვალიფიკაციას, გამოცდილებას, ლიცენზიას, ნებართვას, ჯანმრთელობის მდგომარეობას, ნასამართლობას, დაზღვევას ან სამუშაო იარაღის გამართულობას; არ ვადგენთ ფასს, ვადასა და პირობებს; არ ვდებთ ხელშეკრულებას; არ ვიღებთ ავანსს ან დეპოზიტს; არ ვაკონტროლებთ სამუშაოს მიმდინარეობასა და შედეგს.

სამუშაოს ხარისხზე, ვადაში შესრულებაზე, უსაფრთხოებაზე, მისი შესრულების ან შეუსრულებლობის შედეგებზე, ასევე ნებისმიერ ზიანზე — მათ შორის ადამიანის ჯანმრთელობაზე, სიცოცხლეზე, ცხოველზე, მოსავალზე, ნიადაგზე, გარემოზე, შენობასა და ქონებაზე მიყენებულ ზიანზე, ქიმიური საშუალებების, პესტიციდების, ტექნიკის ან სატრანსპორტო საშუალების გამოყენებით გამოწვეული ზიანის ჩათვლით — პასუხს მხოლოდ მხარეები აგებენ. Fermio არანაირ პასუხისმგებლობას არ იღებს.

ორივე მხარე მოქმედებს საკუთარი რისკით. სერვისი ხშირად სრულდება თქვენს ტერიტორიაზე ან თქვენი ქონების მიმართ, ამიტომ განსაკუთრებით გირჩევთ: შეამოწმეთ შემსრულებლის ვინაობა და კვალიფიკაცია, მოითხოვეთ საჭირო ლიცენზია ან ნებართვა, წინასწარ შეათანხმეთ სამუშაოს მოცულობა, ვადა, ფასი და დაზიანების შემთხვევები — სასურველია წერილობით — და მოერიდეთ სრულ წინასწარ გადახდას უცნობი პირისთვის.

Fermio არ არის დამსაქმებელი, მასპინძელი, მოხალისეობის ორგანიზატორი ან პროგრამა, აგენტი, დამრიგებელი, გადამზიდი, სადაზღვევო ან საკონსულო მხარე. ჩვენ არავის ვასახლებთ, არავის ვაგზავნით სამუშაოდ, არავის ვარჩევთ და არავის ვურჩევთ — არც მასპინძელს და არც მოხალისეს. არ ვამოწმებთ მათ ვინაობას, ასაკს, ნასამართლობას, ჯანმრთელობის მდგომარეობას, დაზღვევას, საცხოვრებლის არსებობას, ვარგისობასა და უსაფრთხოებას, სამუშაოს რეალურ ხასიათსა და მოცულობას. არ ვდებთ ხელშეკრულებას, არ ვადგენთ პირობებს, არ ვიღებთ არანაირ თანხას და არ ვაკონტროლებთ იმას, რაც ჩასვლის შემდეგ ხდება.

ურთიერთობის სამართლებრივ ბუნებას მხარეები თავად განსაზღვრავენ. ის, ჩაითვლება თუ არა კონკრეტული შეთანხმება მოხალისეობად, შრომით ურთიერთობად თუ სხვა სახის გარიგებად — და აქედან გამომდინარე საგადასახადო, სოციალური, სამიგრაციო, სადაზღვევო და შრომის უსაფრთხოების ვალდებულებები — მხოლოდ მხარეთა პასუხისმგებლობაა. Fermio ამ კვალიფიკაციას არ ადგენს, არ ამოწმებს და მასზე პასუხისმგებლობას არ იღებს.

უცხოელი მოხალისე თავად აგებს პასუხს ვიზაზე, ბინადრობისა და — თუ კანონი მოითხოვს — სამუშაო ნებართვაზე, ასევე სამედიცინო დაზღვევაზე. მასპინძელი თავად აგებს პასუხს მასთან მყოფი პირის კანონიერ სტატუსზე. არასრულწლოვნის მიღება ან გაგზავნა დასაშვებია მხოლოდ კანონიერი წარმომადგენლის თანხმობით და სრულად მხარეთა პასუხისმგებლობით.

მოხალისეობის დროს ან მის გამო დამდგარ ნებისმიერ ზიანზე — მათ შორის ჯანმრთელობაზე, სიცოცხლეზე, ქონებაზე, ცხოველზე, მოსავალსა და გარემოზე მიყენებულ ზიანზე, უბედურ შემთხვევაზე, დაავადებაზე, ქურდობაზე, შევიწროებაზე, ჩასვლის ან გამგზავრების ხარჯებზე, ისევე როგორც შეთანხმების ცალმხრივ შეწყვეტაზე — პასუხს მხოლოდ მხარეები აგებენ. Fermio არანაირ პასუხისმგებლობას არ იღებს.

ორივე მხარე მოქმედებს საკუთარი რისკით. მოხალისეობა ნიშნავს უცნობ ადამიანთან ერთად ცხოვრებას და ფიზიკურ სამუშაოს, ხშირად იზოლირებულ ადგილას, ამიტომ განსაკუთრებით გირჩევთ: წინასწარ ესაუბრეთ ერთმანეთს და დაათვალიერეთ ადგილი, წერილობით შეათანხმეთ სამუშაო საათები, დასვენების დღეები, ყოფნის ვადა, საცხოვრებელი და კვების პირობები, აგრეთვე შეწყვეტის წესი; შეამოწმეთ, ვის მიდიხართ ან ვის იღებთ; იზრუნეთ საკუთარ დაზღვევაზე; აცნობეთ ახლობელს თქვენი ადგილსამყოფელი; ნუ გადასცემთ პირადობის დამადასტურებელ დოკუმენტს შესანახად და მოერიდეთ წინასწარ გადახდას უცნობი პირისთვის.

რუკა საორიენტაციოა, სანავიგაციო არა. ძიების რუკაზე პინები განზრახ არაზუსტია და მხოლოდ იმას აჩვენებს, ქვეყნის რომელ ნაწილშია განცხადება. ისინი მისამართი არ არის და მათზე დაყრდნობით მგზავრობა არ შეიძლება — ზუსტი ადგილი ფერმერს ტელეფონით უნდა დაუზუსტოთ. რუკის გამოსახულებები მესამე მხარის (OpenStreetMap) მონაცემებია და მათ სისწორეზე პასუხს არ ვაგებთ.

Fermio არ არის მხარე თქვენსა და სხვა მომხმარებელს შორის წარმოშობილ არცერთ დავაში და არ არის ვალდებული ჩაერიოს, შუამავლობდეს, გაარკვიოს ვინ არის მართალი, დააკისროს ვინმეს ვალდებულება, დააბრუნოს ან აანაზღაუროს თანხა თუ ზიანი. ეს ეხება ნებისმიერ სახის განცხადებას — პროდუქტს, საცხოვრებელს, შეკვეთას, ტექნიკას, ინვენტარს, ხელნაკეთ ნივთს, სერვისსა და მოხალისეობას.

კანონით დაშვებულ ფარგლებში, თქვენ თავისუფლდებით ნებისმიერი მოთხოვნისგან Fermio-ს მიმართ, რომელიც უკავშირდება სხვა მომხმარებლის ქცევას, განცხადებას, უმოქმედობას ან მასთან თქვენს დავას — მათ შორის მიუღებელ თანხას, დაზიანებულ ან მიუწოდებელ ნივთს, შეუსრულებელ სამუშაოს, გაუქმებულ ვიზიტს, ჯანმრთელობის დაზიანებას თუ ქონებრივ ზარალს.

თუ თქვენი განცხადების, ქცევის ან კანონის დარღვევის გამო მესამე პირი ან სახელმწიფო ორგანო Fermio-ს წაუყენებს მოთხოვნას, ჯარიმას ან სარჩელს, ამ ხარჯს თქვენ ანაზღაურებთ — გონივრული იურიდიული ხარჯების ჩათვლით.

ჩვენ შეგვიძლია, მაგრამ ვალდებული არ ვართ, წავშალოთ შინაარსი, შევზღუდოთ ანგარიში ან განვიხილოთ საჩივარი. თუ ამას გავაკეთებთ, ეს არ ნიშნავს, რომ ვამოწმებთ ყველა განცხადებას, არ ქმნის ასეთ ვალდებულებას სამომავლოდ და არ არის ჩვენი პასუხისმგებლობის აღიარება.

დავის შემთხვევაში მიმართეთ უშუალოდ მეორე მხარეს, ხოლო სამართალდარღვევის, თაღლითობის, ძალადობის ან ადამიანის უფლებების დარღვევის ეჭვისას — პოლიციასა და შესაბამის სახელმწიფო ორგანოებს. ჩვენ მხოლოდ განცხადების გასაჩივრებისა და მომხმარებლის დაბლოკვის საშუალებას გაძლევთ და, საჭიროებისას, კანონით გათვალისწინებულ ფარგლებში ვთანამშრომლობთ უფლებამოსილ ორგანოებთან.