კონფიდენციალურობის პოლიტიკა

01რა მონაცემებს ვაგროვებთ

ანგარიშის მონაცემები

რეგისტრაციისას ვაგროვებთ თქვენს ელფოსტას და სახელს — Google-ით შესვლის ან ელფოსტა/პაროლით რეგისტრაციის გზით. პაროლს ვერ ვხედავთ; მას უსაფრთხოდ ინახავს ჩვენი აუთენტიფიკაციის სერვისი. თითოეულ ანგარიშს ენიჭება უნიკალური იდენტიფიკატორი (account ID), რომელსაც ვიყენებთ თქვენი პროფილისა და მოქმედებების დასაკავშირებლად.

პროფილი

პროფილის შექმნისას ქმნით საჯარო გვერდს, რომელიც შეიცავს: სახელს, ფერმის/ორგანიზაციის სახელს, რეგიონსა და სოფელს, აღწერას, საკონტაქტო ტელეფონის ნომერს, მისამართს (თუ მიუთითებთ) და მდებარეობას. მისამართი საკონტაქტო ინფორმაციაა — ის, ტელეფონის ნომრის მსგავსად, საჯაროდ ჩანს, რათა მყიდველმა თქვენამდე მიაღწიოს.

ერთი და იმავე პროფილიდან შეგიძლიათ რამდენიმე სახის განცხადების განთავსება: პროდუქტი (რასაც ყიდით), საცხოვრებელი (კოტეჯი, სახლი, ოთახი, მთელი ფერმა), შეკვეთა — ანუ განცხადება იმის შესახებ, რისი ყიდვაც გსურთ — ტექნიკა, სახლისა და ბაღის ნივთი, აგრო-ინვენტარი თუ ხელნაკეთი ნივთი, რომელიც იყიდება ან ქირავდება, სერვისი — მომსახურება, რომელსაც თავად ასრულებთ — და მოხალისეობა — შეთავაზება, რომ მოხალისეს მიიღებთ საცხოვრებლითა და კვებით სამუშაოს სანაცვლოდ. თითოეული შეიცავს თქვენ მიერ მითითებულ აღწერას, რაოდენობას, ფასს, მდგომარეობას (ახალი/მეორადი), ვადებსა და ფოტოებს. მოხალისეობის განცხადებას ფასი არ აქვს; მის ნაცვლად მიუთითებთ, რას სთავაზობთ (საცხოვრებელი, კვება, ინტერნეტი, სამზარეულო, აბაზანა), სამუშაო საათებსა და დღეებს, ყოფნის ვადასა და მოხალისეთა რაოდენობას. ყველა მათგანი საჯაროდ ჩანს თქვენს გვერდზე, თქვენივე საკონტაქტო ნომერთან ერთად.

მდებარეობა

მდებარეობის ნებართვის დართვის შემთხვევაში ვიყენებთ თქვენი მოწყობილობის GPS-ს ორი მიზნით: (1) ფერმერებს — ფერმის ზუსტი მდებარეობის დასაყენებლად, (2) მყიდველებს — ახლომდებარე ფერმერების („ჩემს გვერდით") საპოვნელად. ნებართვის დართვა არასავალდებულოა — მისი უარყოფის შემთხვევაში შეგიძლიათ რეგიონი ხელით აირჩიოთ ჩამონათვალიდან.

საცხოვრებელსა და მოხალისეობის განცხადებას შეიძლება ჰქონდეს ფერმისგან განსხვავებული საკუთარი მდებარეობა — რუკაზე მონიშნული წერტილი, რეგიონი და სოფელი. ეს იმიტომ, რომ ადამიანი იქ მიდის და რჩება, და უნდა იცოდეს, სად. თუ საკუთარ მდებარეობას არ მიუთითებთ, განცხადება ფერმის მდებარეობას იყენებს. ორივე შემთხვევაში საჯაროდ ჩანს რეგიონი, სოფელი, მანძილი და რუკაზე მიახლოებითი წერტილი, და არა ზუსტი კოორდინატები.

რუკა ძიების გვერდზე

რუკაზე არსებული ღილაკი „ჩემი მდებარეობა" თქვენს GPS-კოორდინატებს იყენებს მხოლოდ იმისთვის, რომ რუკა თქვენზე გადაიწიოს და ლურჯი წერტილი დაიხატოს — ეს ბრაუზერსა და აპლიკაციაში ხდება, ჩვენ ამ კოორდინატებს არ ვინახავთ და ის ძიების შედეგებს არ ცვლის. რუკის გამოსახულებებს (tiles) OpenStreetMap-ის სერვერი გვაწვდის, რომელიც ჩატვირთვისას თქვენს IP-მისამართს ხედავს — იხ. თავი 05.

ფოტოები

განცხადების — პროდუქტის, საცხოვრებლის, ტექნიკის, ინვენტარის, ხელნაკეთი ნივთის, სერვისისა და მოხალისეობის — ფოტოების ასატვირთად ვიყენებთ თქვენს კამერას ან ფოტოთეკას. შეკვეთას ასევე შეგიძლიათ დაურთოთ ერთი საილუსტრაციო ფოტო — მაგალითი იმისა, რასაც ეძებთ. მხოლოდ თქვენ მიერ არჩეული სურათები იტვირთება; ფოტოთეკაზე სრულ წვდომას არ ვიღებთ. ატვირთული ფოტო საჯაროდ ჩანს, ამიტომ ნუ ატვირთავთ ისეთ სურათს, რომელზეც სხვისი პირადი ინფორმაცია ან სახეა.

გამოყენების მონაცემები

აპლიკაციის გასაუმჯობესებლად ვაფიქსირებთ ძირითად მოქმედებებს: საძიებო შეკითხვებს, არჩეულ ფილტრებს (რეგიონი, კატეგორია), ნანახ ფერმერებსა და კონტაქტის ღილაკზე დაჭერას. ეს ჩანაწერები დაკავშირებულია თქვენს ანგარიშთან (account ID) და გამოიყენება მხოლოდ აპლიკაციის გასაუმჯობესებლად. ამ სტატისტიკაში თქვენი ზუსტი კოორდინატები არ ინახება — მხოლოდ ის, გამოიყენეთ თუ არა „ჩემს გვერდით" ფილტრი.

მყიდველის აქტივობა

მყიდველებს შეუძლიათ ფერმერების შენახვა რჩეულებში — ეს სია მხოლოდ თქვენთვისაა ხილული. ასევე შეგიძლიათ პროფილის გასაჩივრება ან ფერმერის დაბლოკვა; ამ შემთხვევაში ვინახავთ, ვინ ვის დაბლოკა ან გაასაჩივრა, რათა საჩივარი განვიხილოთ და დაბლოკილი პროფილი აღარ გაჩვენოთ.

შეფასებები

კონკრეტულ განცხადებას — პროდუქტს, საცხოვრებელს, ტექნიკას, ნივთს, სერვისს ან მოხალისეობის შეთავაზებას — შეგიძლიათ დაუტოვოთ შეფასება (1–5 ვარსკვლავი) და კომენტარი. შეფასება ეხება განცხადებას და არა ადამიანს; შეკვეთა არ ფასდება. შეფასება საჯაროა და გამოჩნდება ამ განცხადებასთან, თუმცა თქვენს სახელს ან ანგარიშს არ ვაჩვენებთ — მკითხველი ხედავს მხოლოდ ვარსკვლავებს, კომენტარსა და თარიღს. შეფასების ავტორს ჩვენს ბაზაში ვინახავთ, რათა შეძლოთ მისი შეცვლა და რათა თავიდან ავიცილოთ ბოროტად გამოყენება. შეფასება იშლება მაშინ, როცა იშლება თავად განცხადება. შეფასების დატოვება შესაძლებელია მას შემდეგ, რაც განმცხადებელს დაუკავშირდებით — ამიტომ ვინახავთ იმ ფაქტს (და დროს), რომ საკონტაქტო ღილაკს დააჭირეთ.

02როგორ ვიყენებთ მონაცემებს

• ფერმერების სივრცის მუშაობისა და ძიების უზრუნველსაყოფად;
• მდებარეობაზე დაფუძნებული („ახლომდებარე") ძიების საჩვენებლად;
• მყიდველებისა და ფერმერების დასაკავშირებლად;
• სპამის, თაღლითობისა და პლატფორმის ბოროტად გამოყენების აღსაკვეთად;
• აპლიკაციის ხარისხისა და მუშაობის გასაუმჯობესებლად.

03საჯარო ინფორმაცია

Fermio არის საჯარო სივრცე. პროფილი — სახელი, ფერმის სახელი, რეგიონი/სოფელი, აღწერა, პროდუქტები, საცხოვრებელი, შეკვეთები, ტექნიკის, ინვენტარის, ხელნაკეთი ნივთების, სერვისებისა და მოხალისეობის განცხადებები, მათზე დატოვებული შეფასებები, ფოტოები, საკონტაქტო ტელეფონი, მისამართი და მიახლოებითი მდებარეობა — ხილულია აპლიკაციისა და ვებ-გვერდის ყველა მომხმარებლისთვის, მათ შორის ავტორიზაციის გარეშეც. ეს სერვისის არსია.

ვინაიდან გვერდები საჯაროა, ისინი შესაძლოა დაინდექსდეს საძიებო სისტემების (მაგ. Google) მიერ და გამოჩნდეს ძიების შედეგებში. ნუ განათავსებთ ისეთ ინფორმაციას, რომლის საჯაროობაც არ გსურთ.

04კონტაქტი პლატფორმის გარეთ

05ვის ვუზიარებთ მონაცემებს

ჩვენ არ ვყიდით თქვენს პერსონალურ მონაცემებს, არ ვიყენებთ მათ რეკლამისთვის და არ ვუზიარებთ მესამე მხარეებს რეკლამის ან თვალყურის დევნის (tracking) მიზნით. თქვენს მონაცემებს არ ვუკავშირებთ მესამე მხარის მონაცემებს და არ გადავცემთ მონაცემთა ბროკერებს. მონაცემებს ვამუშავებთ მხოლოდ შემდეგი სანდო სერვის-პროვაიდერების მეშვეობით:

• Supabase — მონაცემთა ბაზა, აუთენტიფიკაცია და ფოტოების შენახვა;
• Google — „Google-ით შესვლის" ავტორიზაცია;
• OpenStreetMap — რუკის გამოსახულებები (რუკის ჩატვირთვისას იღებს თქვენს IP-მისამართს);
• Vercel — ვებ-გვერდის ჰოსტინგი და ანონიმური სტატისტიკა (მხოლოდ ვებ-ვერსია).

მონაცემები შესაძლოა გამჟღავნდეს, თუ ამას კანონი მოითხოვს.

06მონაცემების შენახვა და წაშლა

თქვენს მონაცემებს ვინახავთ მანამ, სანამ თქვენი ანგარიში აქტიურია. ანგარიშის წაშლა ნებისმიერ დროს შეგიძლიათ თავად — აპლიკაციაში ანგარიში → ანგარიშის წაშლა, ვებ-გვერდზე კი ჩემი ფერმა → ანგარიშის წაშლა. ეს სამუდამოდ შლის თქვენს პროფილს, პროდუქტებს, საცხოვრებელს, შეკვეთებს, ტექნიკის, ინვენტარის, ხელნაკეთი ნივთებისა და სერვისების განცხადებებს, თქვენ მიერ დატოვებულ შეფასებებს, ფოტოებს და ავტორიზაციის ჩანაწერს. გასული ვადის განცხადებები ავტომატურად იშლება მოკლე საშეღავათო ვადის შემდეგ, თუ არ განაახლებთ. წაშლის მოთხოვნა ასევე შეგიძლიათ მოგვწეროთ ელფოსტაზე fermio.support@gmail.com.

07ბავშვები

Fermio არ არის განკუთვნილი 16 წლამდე პირებისთვის და ჩვენ შეგნებულად არ ვაგროვებთ მათ მონაცემებს.

მოხალისეობის შეთავაზება არასრულწლოვნისთვის — მისი მიღება ან გაგზავნა — დასაშვებია მხოლოდ კანონიერი წარმომადგენლის თანხმობით და სრულად მხარეთა პასუხისმგებლობით. Fermio არავის ასაკს არ ამოწმებს და ამ შეთანხმებაში არ მონაწილეობს (იხ. პირობების მე-10 თავი).

08უსაფრთხოება

მონაცემების დასაცავად ვიყენებთ დაშიფრულ კავშირს (HTTPS) და წვდომის კონტროლს. თუმცა, ინტერნეტში გადაცემის არცერთი მეთოდი არ არის 100%-ით უსაფრთხო.

09ცვლილებები

ამ პოლიტიკის განახლების შემთხვევაში შესწორებულ ვერსიას განვათავსებთ ამ გვერდზე და შევცვლით „ბოლო განახლების" თარიღს.

10კონტაქტი

კითხვების შემთხვევაში დაგვიკავშირდით: fermio.support@gmail.com.